其實呢單野已經係幾個禮拜前聽朋友講架啦! 朋友係當晚嘅賓客. 真人真事.
一個華麗嘅婚禮, 五星級酒店內衣香鬢影. 婚宴正式開始前, 例牌野都會播童年片段. 我地去片~
第一張相: 新郎裸照! 唔係BB相, 係近照!!!
當時全場嘩然! 係未玩得咁盡呀? 嚇親d親戚點算?
第二張相: 伴娘裸照!!!! 無錯, 唔係新娘! 亦係近照一幅!
嘩!!! 搞乜呀!
第三幅相: 新郎同伴娘搞野密照!!!!!
全個slideshow只有三幅相. 播完之後新娘走左上台，囉左個mic, 好平和地同大家講, "好多謝大家黎我嘅婚禮! 如果大家有做禮嘅, 可以去reception囉返." 然後就自己走左!
呢單野實在太激啦! 好一幕公主復仇記! 個新娘真係好堅呀! 比我一定做唔出!! 係5星酒店擺酒, 屋企都應該有頭有面掛?! 唔知新郎個亞爸亞媽有無當場心臟病發呢? 伴娘即是新娘個best friend啦! 咁個伴娘有無搵窿蜷呢? 唔知個3張相係偷拍定係自拍呢? 個朝新娘有無玩接新娘呀, 斟茶呀, 回門個d儀式呢? 咁EQ咪超高?! 男家同埋女家親友點反應呢? 好想認識新娘子! 當代烈女非佢莫屬. 如果可以聽佢親述事件經過就好啦!
我有十萬個問題好想知道答案. 但係又真係唔關我事喎! 我唯一知道嘅係-- 我個friend真係有去排隊囉返份人情囉! XD
非典故 - 1
2 years ago
Posts
10 comments:
一百個正 +
一千個激 +
一萬個堅 +
一億個服。
烈女不怕死 但憑傲氣 絕沒有必要呵你似歌姬
萬人景仰呀！！！
阿 waiter 哥，我知而家爆咗鑊，但係可唔可以上埋個翅同埋隻三頭鮑先呢？
為好多女人出啖氣
唔知籮返人情時可唔可以搭多個橙呢?
翅都未食, 新郎哥就要找數.
所以話, 真係唔可以留證據...快d食左佢!
好強的報仇計劃!!
Jenna，你好！
我是路過的，首先自我介紹，我叫Ronald。
我想告訴你我也有3位朋友「聲稱」他們出席了這個婚宴，但細問之下卻無人能夠交待詳情，其實我只想知道是那一間酒樓就可以了…但他們也沒法告訴我，請問可以幫忙詢問一下詳情嗎？
我是一名學生，正在做一個有關「承諾」的專題，希望可以了解這次特別事件的真確性及詳情，可以的話我希望可以找到一位「真正」在場的親友做一個簡單的專訪，我們可安排受訪者車馬費。(請見諒我們只是學生，只可付每位$200左右。)
謝謝你的幫忙，如有回覆，這是我的電郵：yo_ronald@yahoo.com.hk
補充：真的希望你可以幫幫忙，因為我相信這個「故事」是真的，但每當我追問下去，便發現其實我的朋友並不在場，是他們的朋友的朋友的朋友才在場…
請告訴我是在哪間酒店/酒樓發生便可以了，謝謝。
萬分感謝你的幫忙… 希望今次可以找出真相！
補充：真的希望你可以幫幫忙，因為我相信這個「故事」是真的，但每當我追問下去，便發現其實我的朋友並不在場，是他們的朋友的朋友的朋友才在場…
請告訴我是在哪間酒店/酒樓發生便可以了，謝謝。
Post a Comment