人頭湧湧

睇演唱會可以話係我嘅嗜好。個多星期前喜穫免費飛，我再一次踩入紅館....睇show。因為坐得太前嘅關係，我坐嗰行加出嚟嘅位同前嗰行係喺同一個level嘅。單憑我前面嗰條友個背影，我估佢至少有六尺四。而我全晚嘅視線就係比lee個龐大而陌生嘅背影"姐"住。=.=!






但係如果唔係比佢"姐"住我，我都唔會留意到上空嘅燈飾。此時此刻，我突然記起楊小姐講過比我聽嘅一個屠夫嘅故事。個屠夫把刀用咗好多年都好利。D人問佢点解keep得把刀咁利啦...個屠夫就話只要識揾牛肉同肉、骨同骨之間嘅空位下刀，把刀可以keep得好利架啦。

只要我識揾人頭同人頭之間嘅位望出去，或者抬頭向上望，我一樣可以睇一場好睇嘅演唱會。