一世的承諾

住大澳嘅公公婆婆, 喺背山西面海嘅番鬼塘村定居幾十年。兩個人一手一腳起屋, 種果樹, 種菜, 到海灘打蠔, 自製果醬... 公公婆婆一直都係用原始嘅煮食方式-- 燒柴煮飯。他們過著都市人不能體會嘅簡單生活。生咗一竇仔女, 仔女又生咗一竇孫比兩老。幾個孫兒小時侯放暑假都會返番鬼塘村度假。天氣熱, 公公和孫兒在天台吹著海風睡。睡醒一起到海邊捉蟹仔。

孫兒都長大了。公公婆婆兩個人一直住喺番鬼塘村。年紀大了,公公襯還有氣有力時, 和婆婆上山擘了一輩子也夠用的柴。好多好多! 堆砌得高高的, 整整齊齊的放滿前園空地。幾年前公公先走了。婆婆每天煮飯, 也用公公早為她準備的柴。剩下的柴, 真的一輩子也夠用。這就是公公對婆婆要照顧她一世的承諾吧。比 "P.S. I Love You" 入面嘅情節更體貼窩心!

* * * * *

前幾日舅父打電話嚟, 話柴枝發現白蟻, 要通通燒燬。雖然婆婆而家已經唔需要燒柴煮飯, 但係大家都好唔捨得! 怕無堆積如山嘅柴枝, 前園會變得空蕩。

攝於婆婆家, 前園對出的無敵海景。