我等到了!

1994年的聖誕, 我第一次自己買飛約朋友仔睇演唱會. 當年我12歲, 幾百蚊並唔係一個少數目! 但係當年我都好願意買最貴嘅飛去睇王菲演唱會! 因為從小學開始已經好鍾意王菲! 對亞菲嘅鍾愛程度一直有增無減. 98年聖誕嘅Faye Wong Scenic Tour, 同2003年嘅菲比尋常演唱會我都無緣返香港睇. 直到尋晚, 等左16年半, 我終於有機會再睇亞菲唱live啦!!!!

尋晚王菲一出場開口唱 "還記得當天旅館的門牌 還留住笑著離開的神態..." 我真係激動到喊呀!! 實在太太太太太好聽啦!!! 之後嘅 "眉目裡似哭不似哭　還祈求甚麼說不出" 完全表達晒我當時嘅心情! 唱到"我願意"時個種震撼, 將呢首我聽過幾百次嘅經典金曲加上真實感. 情緒都而家都未平復到!

王菲嘅演唱會唔可以同其他香港歌手嘅演唱會相比. 真正愛聽王菲嘅人就會明白佢唔講野齋唱嘅演唱會, 比起搞好多花慎嘅歌手嘅演唱會同樣可觀! 對我而言, 呢個係我睇過最震撼最好最鍾意最珍貴嘅演唱會!!







*多謝@tochapman1999 & @issam 微博的照片分享!!