2015大事回顧‧私隱篇‧上集

大概記錄了2010至2014的事。量體溫嘅溫度計都換咗2次怕度唔準。食過嘅中藥一定比飲過嘅酒多，係多好L多！唔買包包嘅錢留返晒去睇醫生。好似好折墮，的確係。中西醫都睇到熟晒，啲姑娘都friend埋，都係未中獎。終於等到見生育科醫生，挨過照dye x-ray，終於知道原來塞卵咗！做全身麻醉手術通卵返，康復後又一條好漢。當時係2014年尾，咁就過咗5年喇。

2015年繼續日日食中藥繼續針灸，已經成為生活嘅一部份。無數枝針，得到嘅係好多張selfies。



努力嘗試半年都係得個吉！六月開始食避孕藥reset cycle，2015年7月初，開始IVF療程。打針。第一次自己打針時睇住個肚5分鐘都落唔到手，最後只好狠心打落去。一個星期後去覆診，醫生話我d指數好奇怪，即時安排驗血。做完yoga下晝收到醫院通知，驗血結果孕指數14000，即是有咗8星期宮外孕，有生命危險。叫我聽日即時入院要做手術。咁點解之前check唔到？本來喺黎做人工受孕，聽日要切除輸卵管打胎手術。坐咗係Pure爆喊成個鐘。DKLM咁我之前捱嗰五針為乜？點解之前兩次ultrasound都睇唔到？做做吓IVF要即時入院打胎，超級反高潮。一路返屋企一路喊。老公即時返到屋企我又喊。



心痛。

7月12號。做完手術出嚟，全身麻醉藥未散。不停振。姑娘推返我入房，喺病房門口就迷糊地見到老公同我老竇等緊我。嗰一刻好感動。過床時好痛好痛。佢哋入到嚟睇我，我開始喊得好犀利。我話比佢哋知我好傷心。講唔到其他嘢。

可能係又打IVF針，有宮外孕，荷爾蒙影響個人情緒好down。出院後喺屋企一個人小坐月，心情唔可以只用差嚟形容。食食吓飯會流眼淚。傷口好痛，自己用唔到力起身。好無助。

係呢個時間，對你好嘅人你會完全感覺到。老公，家人，朋友嘅關心係心靈最大嘅靈藥。你會發現原來有好多天使喺你身邊支持你。

TBC.