香港都有筋肉擂台

我從小就喺一遍自由搏擊嘅環境中長大, 同亞哥打交打得多, 自然培養出些少對武術嘅興趣 (a.k.a. 暴力傾向 :p). 甚麼四字腳鎖, Nelson hold, 黐手都試唔少! 所以WWF呀, UFC呀, 哩D娛樂性咁高嘅摔角比賽完全係我杯茶呀! 讀書個時好鐘意睇WWF. 有情節, 有演技, 有角色, 有技術. 最重要係觀眾睇得投入, 全場氣氛高漲到爆, 一齊嗌嘅群眾力量絕對勁過棒棒堂班fans!

朋友介紹之下, 知道香港都有摔角. 仲叫我去睇佢表現忝! 咁random, 我緊係去啦! 於是我係一個星期六下午就去左火炭工業區睇表現. 個show叫做"火燒後欄摔角夜"! 聽個名就知係勁o野啦!!

個show有幾part, 好多不同角色ge摔角手. 個個都有型有戲有技術!! 凳都打爛十幾張! 每次佢地飛身達落個台度都達到澎澎聲! 好專業架~





最愛係觀眾一至ge口號式吶喊! 道具戰中"鬍鬚女"用垃圾桶攻擊對方, 觀眾一齊嗌 "transformer! transformer! transformer..." 好好笑! 時不時大嗌 "Holy Sh!t! Holy Sh!t! Holy Sh!t!" MC怕大家唔識英文, 將之翻譯為"神聖的屎!" 笑到我標眼淚~





雖然現場好熱. 難得大家都留到尾, 睇足全場. $40真係低到爛!! 又可以o係隔離個間茶餐廳買啤酒飲. 好正!





呢班摔角手真係好有heart! 好搏命!! 我完全感受到佢地心中個團火! 完全係為興趣不計負出咁. salute!!