2009

好多人都話2009過得好快, 我都覺得係. 究竟我2009做過d乜呢?

去左十次旅行
3轉上海, 北京+北海道 各2次, 台灣, 曼谷, 沙巴... 原來無離開過亞太區. 最好玩係夏天ge北海道. 最激係喺沙巴踩海膽. 最離譜係喺上海工幹但係玩到成個袋唔見左! 最有教育意義係北京文化自由行. 無論工幹好, 自己去玩又好, 2009 都玩得好開心.

考左cello 5級
無distinction, 考到個merit都好滿足! 其實可以再好d, 2010繼續努力呀!

打左兩季dodgeball
雖然個人仲係打得好差, 但係recruit左幾個勁人入DLS! team spirit好! 好enjoy打team sport, 唔講唔覺今次係我人生第一次玩team sport呀! 希望長打長有, 我地下季想囉牌!

做左n次姊妹
每次都嗌到失聲, 玩得盡慶! 能夠做你姊妹的確係我ge榮幸. 祝你們都相親相愛, 生活愉快!

去左300次Antique
唔知點解鐘意去Anitique玩多過去老蘭. 人地唔知會以為我係full time員工添呀! 希望下年少d夜蒲, 多d訓覺.

Dance Dance Dance
認真地需要進修舞技, 唔可以再hea跳. 上左CP Junior Training之後更加覺得自己需要多d時間苦練下... 年尾個count down show會係我一大挑戰. 同其他同學仔練舞先發覺自己跳得有幾差. 雖然只得分令鐘, 但係我希望唔好甩, 將獅子座ge表現慾盡情發揮!