七天減肥餐

好啦！要大家久等了。我真係捱過咗七日呀！先講吓個menu‧‧‧

首先，要煮大量瘦身湯。材料係六支蔥、一罐蕃茄罐頭（28oz）或兩至三個新鮮蕃茄、一個椰菜、兩隻青椒，一小把芹菜、同埋兩個新鮮洋蔥。將材料全切成小塊，丟晒落水煮滾，再用細火煮到啲蔬菜淋為止。

Day 1: 只吃水果。除咗蕉之外，乜野水果都食得。哈蜜瓜和西瓜的卡路里特別低。只喝不加糖飲品。

Day 2: 只吃菜。可以配瘦身湯吃。食到飽為止。多吃綠色蔬菜，唔好食豆類或粟米。晚餐時仲可以食一個加低脂芝士嘅baked potato!! 一啲都唔辛苦~

Day 3: 只吃菜、生果、和湯。唔好食薯仔啦！如果無偷鷄的話，體重應該已經輕咗兩至三公斤啦！我到咗第三日都已經輕咗4lbs啦~

Day 4: 今日食蕉（最多三條）和飲脫脂奶。飲湯和多喝水。雖然蕉同奶卡路里較高，但係你個body須要佢嘅鉀、糖、蛋白質、和鈣。才可以抵擋想貪糖的強烈慾望。我當日就食咗我人生第一隻蕉嘞！！加上day1&4都有運動，己經減咗5lbs啦！肚腩無咗，衣櫃內嗰條瘦身指標西褲終於着得落啦！！！=)

my historic moment:

Day 5: 只吃牛肉和蕃茄。當然係蕃茄煮牛肉啦！食十至二十oz都得！記得飲湯。正！今日反彈一磅。

Day 6: 勁食牛扒&菜！湯。三塊都得。我唔想前功盡費，但係lunch都去咗金鳳怒ger咗個扒！haha!

Day 7: 吃糙米或紅米、不加糖果汁，還有菜和湯。食到飽為止。我到咗day7就無跟menu啦。無晒湯又唔想食紅米吖嘛。不過都比平時食量少。又反彈多一磅。但係都好開心！

-------

之後個幾日食返正常，感覺好guilty！我諗我要切底改變自己嘅飲食習慣先得。唔好成日都食到十二成飽 =P

各位瘦身中的戰友，共勉之！