廟街塔羅B

神婆珍娜米尋晚陪個非常迷失嘅朋友去咗廟街搵塔羅B占卜。 基本上係去問下一d我都可以答到佢嘅問題。Theresa 嘅感情問題, 我聽過不下數百次。 過去, 現在, 將來走勢我都好清楚！叫左佢慳d$, 問我好過又唔肯。係都要去比錢塔羅B洗。

細個時跟亞媽拜神就拜得多, 但係去睇塔羅牌就真係第一次! 失禮晒! 記言Theresa想去, 我當然好樂意陪佢去啦! (其實好想去八下! hehe...) 仲叫埋Kendra去添。一去到就見到好長嘅人龍, 大家都係黎睇亞B架! Theresa早有準備, book左appointment。我地早到, 同亞B個秘書點名之後就去食我最愛嘅煎釀三寶+魚肉碗仔翅。攞住碗翅坐喺廟街公廁外嘅櫈仔上一邊食一邊等，超有風味！好正！啱啱食完就到我哋嘞！Perfect timing!

Kendra話佢好緊張，所以我陪Theresa問先。一坐底，塔羅B雙眼好有神，簡直有啲厲！不停地食M3，金髮，好型！Theresa只係比咗生日日期亞B，問愛情，detail嗰隻 (forgot if it's $150 or $180)。亞B就教佢按住幅牌，心諗住個問題，然後洗牌。塔羅B開牌之後滔滔不絕地講到晒Theresa單野出嚟！好多detail都中晒！而我哋就全程poker face，無比任何反應佢。亞B講完之後，我不禁爆咗一句 ﹕「中晒！」塔羅牌嘅預測，同我嘅對呢單野嘅預測一樣。Theresa聽咗之後好冷靜。其實佢比任何人都更清楚自己處境，只係需要親耳從第五者口中說出，才肯接受現實。

到Kendra問嘞。好簡單，問前景，唔太detail個隻 ($60)。Kendra按住幅牌，問問題，然後洗牌。一開牌，亞B又講得到Kendra嘅過去同現況！又比咗個簡單嘅預測。佢話塔羅牌只可以預測未來三至六個月嘅事。太後嘅事睇唔到架喎！

廟街塔羅B真係好掂！未來預測唔知準唔準，但係起碼講到晒過去同現況。預測反而係其次，心理輔導先至係大家嚟睇佢嘅最大得着！